11‏/3‏/2017

{ تنسيقاتي الشتوية 2017 .. ~

السلام عليكم والرحمة ...


يوووووه مس يو بنااااات .. اشتقت لكم واشتقت للمدونه والتدوييين حيل حيل حيل ^^

شحالكم يا عساكم تكونون بخير وانتم تقرون هذا البوست 

اليوم ان شاء الله بعرض لكم تنسيقاتي لشتاء 2017 ..  لو ان الشتاااا جرب يخلص بس تقدرون تاخذون افكار لشتاء السنه اليايه  ان شاء الله ... 

طبعا الملابس والقطع كلهن خذتهن بداية الشتا شهر 10 على 2016 .. ف ناسيه الاسعار واسماء المحلات ،،، ف راح اكتب لكم اللي اتذكرهم بس ،،، 

:
:

المهم نبدى مع اول تنسيق ،،

             ( 1 )



31‏/12‏/2016

{ اتجاهات الموضه لشتاء 2016 - 2017 // Winter 2016 - 2017 Fashion Trends..~

السلام عليكم والرحمه

شحالكم بنات يا عساكم تكونون بخير وانتم تقرون هذا البوست ،،

في البدايه حبيت أوضح لكم معنى كلمة (( ترند )) ،، هو مثل شي يخص الموضه ،، كإتجاهات الموضه او بالعاميه نقول الهبه اليديده اللي تكون منتشره عند الاغلب ،، شي عصري وعلى الموضه ،، شي دارج هالفتره وبكل قوه ،،،  وهكذا ،، ^^

:
:

المهم في شتاء 2016 - 2017 ,, اختارو وااايد  قطع وتصاميم مألوفه وموجوده من زمان بس رجعت موضتها هالفتره بكل قوه ،،

ف راح اعرض لكم ( 9 ) قطع او تصميم لترند شتاء هالسنه  ،، ومو شرط يعجبج كل اللي راح اطرحه في موضوعي اليوم ،، لانه اللي اخترته على حسب اللي تم عرضه في مسارح الازياء العالميه واعتمدوه لهذي السنه ،،، ف راح انزل الموضوع كإفاده ليش إلا ،،، اختاري اللي تحسينه مناسب لج وعلى ذوقج وإتركي الباقي او خذي عنه فكره عشان يكون عندج خلفيه او ثقافه فاشونيستا هههه ^^ يعني تكونين مُطلعه على الازياء والقطع الدارجه على الموضه  أول بأول ^^ ،،،

:
:


14‏/12‏/2016

{ ألوآن موضة شتاء ( 2016 ) Winter Fashion Colors ..~

السلام عليكم والرحمه

يا هلا ويا غلاااا نورتو المدونه حبيباتي ،،، ^^

من فتره وعدتكم بالسناب اني راح انزل لكم موضوع يخص الفاشن والموضه ،،، وبتكلم فيه عن الالوان الدارجه لهذا السيزن

والفكره من الموضوع انه تكونين على درايه بالالوان الدارجه قبل لاتروحين السوق ،، ويكون عندج ثقافه وخلفيه عن الموضه والفاشن  ،، وطبعا الالوان الموسمية دائما تغزي الاسواق وتكون في واجهة المحلات أكثر من الالوان العاديه .. ف حلو تعرفين الوان الموضه وتضمين هذي الالوان لدولابج كنوع من التغير عن الالوان المعتاده ،،،  ^^

طبعاً سبق وكتبت مثل هالموضوع في السنتين اللي راحو ،، واذا حبيتوه أكثر راح انزل لكم الوان الموضه سنوياً وفي كل سيزن ^^

{ ألوآن موضة شتاء ( 2014 ) Winter Fashion Colors ..~


{ ألوآن موضة ربيع وصيف ( 2015 ) Spring and Summer Fashion Colors ..~



:
:

وخلونا نبدى مع الوان الشتااااء الجميله لسنه 2016 ,, وطبعا اختيار الالوان مش من مخي هههه ،، الألوان الموسميه اللي تنطرح كل سنه تكون من قبل  عروض الأزياء العالميه وملابس المشاهير ومحلات الماركات العالميه في المولات  ،،

بالنسبه لي الألوان اللي راح أطرحها اليوم خذتها من موقع ( بانتون ) وهي شركه أمريكيه وتعرف بإسم ( Pantone Matching System ) ،، شركه كبيره جدا تهتم بالألوان وتخلق ألوان جديده لان عندهم دليل للألوان بشكل واااسع 

وأغلب موضات للألوان الموسيمه اللي تنطرح تكون معتمده من قبلهم 
فأتمنى موضوعي يكون حلو وممتع بالنسبه لكم

:
:
{ آلوان موضه شتاء 2016
 Winter Fashion Color 2016 .. }

:
:


:
:
:

9‏/11‏/2016

{ فندق موفنبيك ابن بطوطة في دبي // Movenpick hotel ibn battuta ,,~

السلام عليكم والرحمه


صار لي فتره مانزلت شي في المدونه ،،، عاد سامحوني ع الغيبه ،، احس اني شاده حيلي أكثر في الانستقرام والسناب 

ضيفوني هناك عشان تقدرون تتابعوني بشكل شبه يومي ،، 

المهم موضوع اليوم او تقرير اليوم راح يكون عن فندق موفنبيك اللي في ابن بطوطه بدبي ،، حاولت أصور لكم كل شي 

عشان يكون عندكم خلفيه عن هذا المكان ،،، وبالنسبه لسعره ،، حجزت الفندق عن طريق البوكينق ف كانت الليله بحدود 1000 وشي ،، 

:
:

في البدايه حبيت مدخل الفندق او بوابة الفندق شي فخم و شغل متعوب عليه من الخاااااطر والاحلى انه الفندق قريب من ابن بطوطه مول  ههههه 




15‏/9‏/2016

{ ريفيو : مجموعة اللوز من لوكسيتان ،،،~

السلام عليكم والرحمه ،،

شحالكن بنات ،، يا عساكم تكونون بخير وانتم تقرون هذا البوست ،،،


حدي حدي مشتاقه لكم ومشتاقه للمدونه والتدوين ،، ادري اني مقصره حيل ،، ف سامحوني حبيباتي ،، ^^

:
:

المهم في تدوينة اليوم راح اتكلم عن مجموعه العنايه بالجسم من لوكسيتان ،، طبعا ما يحتاي اتكلم عن هالبراند ،، معروف ومشهور من ناحيه العنايه بالجسم او الشعر وغيره ،، وهالمحل موجود في أغلب المراكز التجاريه ،، الشي اللي يعيبه اسعارهم المبالغ فيه لانهم شركه فرنسيه ولاحظت انه دايما تكون هذي اسعارهم ،، بس طبعا كله يهون عشان نهتم ونحافظ على نفسنا ... >> في سبيل الجمال كل شي يهون هههههه 



26‏/8‏/2016

{ تقريري عن أوكس ليوا هايتس للشقق الفندقية بدبي //،، Oaks Liwa Heights ،،

السلام عليكم والرحمه

شحالكم بنات ياعساكم تكونون بخير وصحه وانتم تقرون هذا البوست ،،،

في مدونة اليوم راح اتكلم لكم عن تجربتي لفندق اوكس ليوا ،،، عسى يعجبكم التقرير ويفيدكم ^^ 

:
:

:

(Oaks Liwa Heights )

( اوكس ليوا هايتس )

الفندق عباره عن شقق مفروشه ،، 3 نجوم ،، مكانه في دبي وبالتحديد في,, JLT Cluster S ،، بحيرات جيمرا ،، 
مكانه جمييييل وهادي ومطل على البحيره ،، من تجربتي الفندق وااايد نظيف ومناسب للعوايل ،، على فكره أنا حجزت هذي الشقه لاني كنت برحله عائليه ف حسيت ان نظام الشقق المفروشه أريح لي ،،، ف اعتقد ان الفندق هذا راح يكون مفيد للي جاي لدبي مع عائله كبيره ويدور على مكان نظيف بسعر معقول ف أنصحه بهذا المكان 
^^ 

:
:
:

معلومات الحجز : 

بالنسبه لي حجزت عن طريق البوكينق ،، غرفتين وصاله ،، ليلتين ب 1600 درهم ^^ 
الشقه فيها مطبخ و 3 حمامات ( عزكم الله ) 


ابدي معاكم التقرير بهاي الصوره مع مشروبي المفضل كووووفي ^^ ،، وهذي اطلالة المكان جدا هادي وروقااااان 

2‏/7‏/2016

{ كشختي للعيد من متجر N & A FASHION ...~

السلام عليكم والرحمه ،،،،


زماااان عن المدونه ،، وأدري مقصره ف سامحوني ،، ان شاء الله آعوضكم بمواضيع أكثر الايام اليايه ،، ^^ 

في مدونتي اليوم راح اعرض لكم كشختي للعيد مع تنسيقي البسيط لهذا اليوم المميز ^^

قبل فتره وصلتني هديه من متجر N & A FASHION ,, عباره عن دريس فخم وكشخه وحلو للمناسبات ،، ومعاه دريس بسيط وناعم لبنتي بس للآسف ماقدرت اصوره لموضوع اليوم لانه شوي طويل عليهاا ف بخليه لوقت ثاني ،، وراح اعرضه في الايام اليايه ان شاء الله ،،


، قبل لا ابدا بصراحه حبيت اشكر صاحبة المتجر واختهاا على تعاملهم واسلوبهم الراقي ،، توهم فاتحين هالبزنس ويستاهلون الدعم ،، وربي يوفقهم ويرزقهم من حلاله ان شاء الله ،، طبعا المتجر بإداره إماراتيه ،، ومهتمين بأدق التفاصيل من اختيارهم للقطع ودقة الخياااطه ،، وماشين ع الموضه والإحلى اسعارهم معقوله في متناول الجميع ^^ ،،

:
:
:

من كثر ماحبيت الدريس قررت أخليه للعيد ،، لانه مثل ما قلت لكم حده فخم وراقي ،، وكشخه للمناسبات والعزايم ،، ^^

 ( دريس من متجر N & A FASHION